Tag Archives: Plante & Tuine

Suizenji – Kumamoto

Nog op die wes-eiland (Kyushu), teen die weskus is ‘n stad met die naam Kumamoto. Hulle tuin is Suizenji.

Hy is uitgelê as ‘n miniatuur van die Tokaido-pad, ‘n ou pelgrimsroete van Kyoto na Edo, – vandag Tokyo. Dis die ou oostelike seeroete.

Daar is nog vandag’n Tokaido spoorlyn op die Shinkansen. As jy met hom ry kry jy ‘n mooi uitsig op fujisan.

Hier is die minatuur fuji in die tuin. Kompleet met sy sneeu op die top. Die tuin is volgens skaal uitgelê. Net die bome op fuji kon hulle nie klein genoeg kry nie, bonsai kan net soveel doen 🙂

‘n Ander uitsig op fuji. Wens ek kon ‘n foto kry met ‘n grassnyer op. Ek wonder of hulle ook op skaal is.

Suizenji – soos die naam jou vertel, is ‘n tempeltuin. Jy kry tempeltuine en wandeltuine.

Die ou sjinto geloof met sy rooi tempels staan langs die zen boeddisme. Die sjinto is ou Japan, zen kom uit Sjina.

Voor jy in ‘n tempel ingaan was jy eers jou hande en spoel jou mond uit. Meesal het hulle drakies by die wasbak, niks hier nie. Die water is darem altyd helder skoon. Die tuin is aangelê by ‘n fontein. Met die oog op die see van die see-roete neem ek aan.

Elke tuin moet water en koi hê. Die camelia japonica blomme is (byna) opsioneel.

Ek wonder hoe oud is hierdie den. Soms kry jy mense op lere wat met klein skêrtjies van die klossies naalde uitsny op elke groeipunt.

Moeilik om alles in te kry, Fuji is weer net so regs van die brug.

Advertisements

Ibusuki blomtuin

Op die wes-eiland in die suide van Japan is ‘n blomtuin in die dorp Ibusuki.

Kyk wat het hulle met hierdie Benjamina vyeboom aangevang! Vleg was nie genoeg nie, hulle ent hom op elke knooppunt lyk my.

Hiroshima – Shukkein tuin

Net ‘n paar foto’s uit Hiroshima.

Baie mense het na die bomontploffing na hierdie tuin toe gevlug. Hulle is daar dood voor hulle hulp kon kry en is ook daar begrawe.

Daar staan een boom wat die ontploffing oorleef het, die res is oorgeplant.

Sien daar staan een kersieboom in bloei op die regterbank, ‘n simbool van hoop en hernuwing. Vandag ook brood nodig.

Nog Toulouse

Ek mis nou vir Toulouse – die 6 weke daar in Mei was reënerig sien ek as ek nou terug kyk na die foto’s, maar ek onthou net hoe mooi dit was en hoe baie daar is om te sien en te doen..

Hulle een pragtige park was naby my huis, so ek kon in die laat middag afstap soontoe en onder die bome gaan sit.

Hier is nog ‘n foto uit die park.

Duesseldorf

Die Duesselrivierdelta loop hier in die Neder-ryn in en gee die dorp sy naam en sy sfeer.

DSC02863

Duesseldorf is die hoofstad van die area en bly in kompetisie met Keulen, – vroeër meer belangrik en houers van die katedraal..

In die Konigsalee is al die winkels en mense stroom in om hier te kom koop. Daar is langs die rivier ook vlooimark met kuns en boeke en natuurlik bier en wors 🙂

DSC02884

Hulle het ook hierdie pragtige park.

DSC02867

‘n Duessel-dame het gestop toe sy my by die beeld sien staan en vertel dat dit in die oorlog verwyder is en eers weer jare na die oorlog in ere herstel is.

‘n Japanse tuin aan die Ryn..

DSC02881

Mooi nê.

Hier is ‘n loodglasprentjie van die stad wat ek afgeneem het in iemand se venster.

DSC02896

 

Botaniese Tuin – Leuven

Die botaniese tuin in Leuven, Vlaams Brabant, België. Die stad huisves ook die oudste katolieke universiteit in die wêreld wat nog sy deure oop het.

DSC00013-001

En een van die goeie nalatenskappe van kloosters oral oor die wêreld is hulle tuine. Kruie vir medisyne was in die kader van die monnike.

Sowel as drank 😉

DSC00011

Ietsie vir die Absinth,

DSC00012

en ‘n hopsie vir die bier. Stella Artois is van Leuven en hulle tweede groot uitvoerproduk saam met die universiteit.

Die Taxus sien jy baie as heiningplant in hierdie omgewing, maar hy word ook gebruik om ‘n chemoterapie-middel mee te maak.

DSC00020

DSC00021

By die TU (Tegniese Universiteit) Delft, moet die tuin sy eie bestaan in koste regverdig (hulle is immers in Nederland 😉 ) en een van hulle mense daar het ‘n manier ontwikkel om die Taxus te gebruik sonder om dit uit te kap. Die wereld se voorraad is al byna uitgeput.. Jy het tonne hout nodig om net ‘n paar milliliter te kry.

Hy het eendag besef dat as jy in ‘n dennewoud stap tydens ‘n donderstorm dan ruik jy die denne. Toe reken hy, dalk kan jy met elektriese lading die bome tap en so toegang kry tot die middel sonder om die boom uit te kap.

En dit werk! Jy steek ‘n vurk in die grond by die boom om hom te aard en sit elektriese stroom op. Daar is dan ‘n fyn sproei uit die blare wat jy kan aftap en gebruik.

Die bome ly geen skade nie en na ‘n tyd kan jy weer melk.

DSC00023

Madam lyk baie tevrede.

Kweekhuise vir plante wat beskerming nodig het teen die klimaat.

En nog ‘n paar pragtige bome in herfkleure.

Dalk die beste botaniese- en kruietuin wat ek nog gesien het.

DSC00032