Slaai met steak, eiervrug en okkerneute

Slaai met lekker sagte blare en sprietuie

Eiervrug en okkerneute

Radyse

Steak of ander vleis wat maklik panbraai

Olyfolie

Ketjap manis (soet sojasous) of ‘n balsemiek asyn

Gemengde kruie met roosmaryn, gedroogte knoffel, sout en peper

Braai die steak in ‘n warm pan

Sny die eiervrug in dun skyfies en braai in die pan saam met die vleis

As die vleis na jou sin gaar is, haal dit uit om te rus terwyl die eiervrug verder braai in die vleissappe

Sny die eiervrug in kleiner blokkies en die vleis in skywe

Skeur die slaai, kap die sprietuie en sny die radyse in skyfies terwyl die eiervrug en steak afkoel

Meng alles in ‘n slaaibak en gooi die okkerneute by

As daar vleissap in die pan agtergebly het skink dit in die slaai in saam met olyfolie, ketjap manis of balsemiek asyn en rond af met die kruiemengsel

Myne is ‘n klein slaaitjie vir een. Maak soveel as wat jy nodig het om almal te voer wat by jou is.

Advertisements

Tuna slaai

Dit werk nogal lekker as jy eers jou tuna met al die souserige goed meng voor jy die slaai goed bysit.

Ek het ‘n gekroek met ‘n klaar gemengde tuna. Die tuna is gemeng met gekapte agurkies, majonaise, sout en peper en tamatiepasta.

Sny tamatie by en was en skeur slaai in.

Kap sprietuie, blare en al, en sit by.

Basilie is altyd lekker saam met tamatie, so as jy vars basilie blare het, skeur hulle by.

Avo is heerlik daarin en ook kappertjiesaad, as jy het.

Oudergewoonte het ek al weer die helfte opgeëet voor die foto. So van die kant af kan jy dit byna nie sien nie nê?

Ek geniet dit om basilie blomme te gebruik. Hulle is amper nog meer geurig as die blare. Heerlik as jy ‘n slaaisous maak. Gooi hulle in!

Daar is niks besonders aan die resep nie. Eintlik gaan dit oor die lekker sonnige somerdag in Nederland met my klein vriendinnetjie se blomkrale op die tafel.

Tagliatelle met strepe steak, sampioene, uitjies en rum

Sampioene en ui

Gaar steak

Kruie – Italiaans werk met pietersielie, origanum en roosmaryn

Ketjap manis (Indonesiese soet sojasous), of balsemiek asyn

Sprietuie

Groenteaftreksel

Pasta – ek het tagliatelle gebruik (kook terwyl jy die sous berei)

Rum

Kap die uie, daai lang pers uitjies het ‘n sagte smaak. Perfek as jy dit wil kombineer met ander sagte smake, soos sampioene.

Sny die sampioene in dunnerige skyfies. Die smaak ontwikkel op die kante wat jy braai, so hoe meer dele van die sampioen teen die pan land, hoe geuriger is jou dis.

Braai in ‘n pan met botter en voeg die uie by as die sampioene plek gemaak het in die pan. Braai verder

Strooi die kruiemengsel oor

Sny die steak in skywe en gooi by in die pan, – braai tot warm

Strooi so ‘n halwe eetlepel meel oor die mengsel en roer by

Skink die ketjap manis of balsemiek asyn by en roer om ‘n sous te maak. Ek vul sommer die sous aan met lepels water uit die pastapot wat nog kook. ‘n Halwe blokkie groente aftreksel help die smaak aan

As die sous omtrent reg is, gooi so ‘n skooitjie rum in.

Kap sprietuiblare en gooi by

Proe of daar sout nodig is en vul die sous nog aan met water uit die pastapot as jy wil.

Jou pasta is intussen gaar, so giet die water af

Skep op en geniet!

Sète

Aan die meditereense kus van Frankryk, naby Montpellier, die hawedorp Sète met al die verskillende bootjies en skippies. Ongelukkig kan jy hier sien waarom ‘n kamera nog steeds beter is as die fone. Ek het nooit met ‘n kamera sulke strepe gekry nie, jy kan maar gaan soek, daar is nie.

nog strepe en ‘n paar straatjies

Die seemeeue het gegaap so warm was dit daar. Ek het ‘n maand in Montpellier bespreek en net tien dae gebly. Sète was my enigste dagtrip en van die dorp Montpellier het ek nie ‘n enkele foto nie, was bang die kamera smelt..

Mooi dorpie nê? Wens ek het so ‘n seilskippie gehad.

Porta Coda Cavallo

Dis dalk die mooiste kaap op Sardinië.

Nie ver van San Teodoro af nie is die perdestert kaap, as ek reg vertaal.

Dis nogal ‘n ent se ry van die grootpad af en ek het opgegee toe ek die eerste keer daar inry. Dis ‘n simpel ou paadjie wat net te lank aangehou het.

Gelukkig het ek weer probeer.

Dis 'n trip

%d bloggers like this: